முருங்கைக்காய் பொறிச்ச குழம்பு

ஹாட்ஸ்பாட் கிச்சன் உலகிற்கு வருகை தந்து இன்றைய ஸ்பெஷல் உணவான அசல் தென்னிந்திய பாரம்பரிய சுவை நிறைந்த முருங்கைக்காய் பொறிச்ச குழம்பை சுவைத்து மகிழுங்கள்.

முருங்கைக்காய் பொறிச்ச குழம்பு செய்வதற்கு எளிதாகவும் சுவை நிறைந்ததாகவும் காணப்படும். இது வழக்கமான முருங்கைக்காய் குழம்பு அல்லது புளிக்குழம்பு போல் அல்லாது தனித்துவம் நிறைந்ததாக இருக்கும். முருங்கைக்காய் பொறிச்ச குழம்பு நறுமணம் நிறைத்தொரு குழம்பாகும். முருங்கைக்காயை விரும்பாதவர்கள்கூட இந்த குழம்பை சுவைத்தால் அதன் மீது அவர்களுக்கு நாட்டம் உருவாகும் என்பதில் எவ்வித ஐயமும் இல்லை. வாருங்கள் முருங்கைக்காய் பொறிச்ச குழம்பை எப்படி செய்வதென பார்ப்போம்.

பிரியாணி மேகி நூடுல்ஸ் தயாரிக்க தேவையான பொருட்கள்

  • முருங்கைக்காய் – 2 எண்ணிக்கை
  • வெங்காயம் – 2 எண்ணிக்கை
  • தக்காளி – 2 எண்ணிக்கை
  • தேங்காய் துருவல் – 1 கப்பு
  • தேங்காய் எண்ணெய் அல்லது கடலை எண்ணெய் – 2 மேஜைக்கரண்டி
  • சோம்பு – 1 தேக்கரண்டி
  • கடுகு – 1 தேக்கரண்டி
  • மஞ்சள் தூள் – ½ தேக்கரண்டி
  • குழம்பு தூள் (வீட்டில் தயாரித்த குழம்பு மசாலா) – 3 தேக்கரண்டி
  • உப்பு, தேவைக்கேற்ப
  • தண்ணீர் – 1 கப்பு
  • கருவேப்பிலை

முருங்கைக்காய் பொறிச்ச குழம்பு செய்முறை

முருங்கைக்காய் பொறிச்ச குழம்பை தயார் செய்ய, முருங்கைக்காய்களை விரல் நீளத்திற்கு துண்டுகளாக வெட்டிக்கொள்ளவும். தக்காளியையும் வெங்காயத்தையும் சிறு துண்டுகளாக நறுக்கிக்கொள்ளவும்.

ஒரு கடாயை எடுத்து அதில் எண்ணையை சூடாக்கி வெங்காயத்தை போட்டு வதக்கவும். அது லசாக வதங்கினாலே போதும், ஏனெனில் வெங்காயத்தை விழுதாக அரைத்தவுடன் மீண்டும் அதை எண்ணெயில் வதக்க வேண்டும். இப்போது தக்காளியையும் சேர்த்து சிறிது நேரம் கழித்து துருவியை தேங்காயையும் சேர்த்து வதக்கவும். பின்னர் அடுப்பிலிருந்து அந்த கலவையை இறக்கி அது ஆறியவுடன் விழுதாக அரைத்துக்கொள்ளவும்.

மற்றுமொரு கடாயை எடுத்துக்கொண்டு அதில் எண்ணெயை சூடாக்கி கடுகு, சோம்பு, மற்றும் கருவேப்பிலையை போட்டு தாளிக்கவும். சோம்பு முருங்கைக்காய் பொறிச்ச குழம்பிற்கு நல்ல நறுமணத்தை கொடுக்கும். பின்னர் மஞ்சள் தூள், குழம்பு மசாலா (வீட்டில் தயாரித்தது), அரைத்த விழுது, தேவையான அளவு உப்பு ஆகியவற்றை சேர்த்து நன்றாக கலக்கவும். தேவையான அளவு நீரை சேர்த்து 10 நிமிடங்களுக்கு சமைக்கவும்.

இதோ, முருங்கைக்காய்க்கு புதுசுவை தந்து நல்ல நறுமணத்துடன் இருக்கும் முருங்கைக்காய் பொறிச்ச குழம்பு தயார். சுடாக எடுத்து பதமாக பரிமாறி இன்பமாக சுவைத்து மகிழுங்கள்.